習慣左療程，而家治療心情係輕鬆的。 另外聽到隔離床的一對老夫婦同一個女醫護人員對話，男長者係病人，慢慢食緊晚餐。節錄一段，女長者無惡意咁同醫護講：「佢食得好慢阿唔好意思」醫護：「唔緊要慢慢食啦」女長者：「咁野食係要熱食先好食架嘛」。 我覺得好感歎，因為我都遇過呢種情況，人地可能覺得食物應該盡早享用無錯，應該食哂佢唔好浪費；但係從化療病人的角度黎講，一來無胃口，作悶唔想食野，味道變左，平時幾好味既野都要慢慢先吞到。二來感到少少難受，唔通食物比病人更加重要，你緊張食唔哂多過病人食唔落？所以希望照顧者體諒，少食多餐，請不要讓病人一次食咁多。
Comments
Post a Comment